دہکتے نیزوں سے یہ رات وار کر دے گی

[You must be registered and logged in to see this image.]

دہکتے نیزوں سے یہ رات وار کر دے گی
سجا کے چاند کی کشتی میں میرا سر دے گی

چڑھے گا بدن میں لہو کا فوارہ
یہ سرخ چاندنی خالی گلاس بھر دے گی

یہ نرم بلی جو سوئی ہے میرے سینے پر
میں سو گیا تو کلیجہ ہی چاک کر دے گی

بدن کے پیڑ کو خود اس کی شاخ کاٹے گی
یہی تراش زمیں کو نیا شجر دے گی

بہار اب کے لہو کے چڑھے سمندر کو
قلم کئے ہوئے بازو بریدہ سر دے گی

اُسی خیال سے پتھر ہے بیچ پانی میں
کوئی تو موج گُہر کی اسے خبر دے گی

طواف دائرہ اب پہلی بار ٹوٹا ہے
یہ رہگزر ہمیں اِک اور رہگزر دے گی

[You must be registered and logged in to see this image.]