له رسول الله څخه يې زده كړو

دلته د پيغمبر صلى الله عليه وسلم د تلاش او جديت يوازې يوه بيلګه يادوو. په هغو ورځو كې چې په مكه مكرمه كې ټول مشركين د هغه صلى الله عليه وسلم د دعوت په وړاندې ودريدل او د هغه صلى الله عليه وسلم يوازيني ملاتړ كوونكي، ابوطالب هم له ده څخه د خپل كار د پريښودو غوښتنه وكړه نو پوهيږئ چې هغه څه وكړل؟ هغه صلى الله عليه وسلم په پوره جديت او قاطعيت سره ځواب وركړ: “اې تره! په الله قسم كه لمر په ښي او سپوږمۍ په كيڼ لاس كې راكړي تر څو زه له خپل دعوت څخه لاس واخلم، نو زه به هيڅكله هم دا كار ونه كړم تر هغه چې الله تعالى هغه څرګند كړي او يا دا چې زه پدې لاره كې ووژل شم.” دا کوم همت وو….؟ دا هغه پيغمبر صلى الله عليه وسلم دى چې الله جل جلاله زمونږ لپاره اسوه، قدوه او رهبر ټاكلى دى