د کمپیوټر د هنگ شوو پروگرامونو تړل

حتمٲ لدې پیښې سره تاسې هم مخ شوي یاستی چې کله د ویندوز کوم پروگرام کاروئ او په هغه کې کومه ستونزه پیداشي نو دفعتٲ د Not Responding پیغام ورکوي چې په دغه وخت کې ساده لاره په لاندې توګه ده چې تاسې ټول به ورسره بلد ياست:

1. د لاندې دریو تڼیو کښیکاږل (Alt+Ctrl+Delete )

2. د ستونزمن پروگرام انتخاب

3. اود End Task تڼئ ته زور ورکول دي ترهغه چې hang شوى پروگرام وتړل شي.

مگر دغه کارکیدلای شي ستاسې زیات وخت ضایع کړي.

راځئ داسې یوه عملیه اجرا کړو چې په اتومات ډول hang شوي پروگرامونه وتړل شي او په راتلونکي کې مو د وخت د ضایع کیدومخه ونیول شي.

د دی لپاره:

- له start مينو نه Run ته ولاړشئ

- هلته Regedit ولیکئ او بیا یې Enter کړئ تر څو د راجستري پاڼه خلاصه شي.

- په راجسترى کې لاندی ادرس ته ولاړشئ

HKEY_CURRENT_USER/Control Panel/Desktop

- اوس د راجسترۍ پاڼې په ښۍ خوا کې په Auto End Task تكمه باندې دوه ځله کلیک وکړئ

- یوه بله وړوکی خلاصه شوئ پاڼه به ووینئ چې په دغه پاڼه کې د Value Data برخی د صفر(0)عدد په(1) یو تبدیل کړئ.

- تر هغه وروسته OK ووهئ او بیا د راجستري په بندولو سره په راتلونكې کې ستاسی د سیستم hang شوي پروگرامونه په خپله تړل کیږي بی له دې چې وخت مو ضایع شي.